Бислимоски: Сите термоелектрани во државава произведуваат струја
Третиот блок на РЕК Битола од денеска е вклучен во мрежа и произведува електрична енергија со што сите термоелектрани во државата, вклучувајќи го и ТЕЦ Неготино произведуваат електрична енергија што е редок случај, посочи денеска претседателот на Регулаторната комисија за енергетика и водни услуги (РКЕ) Марко Бислимоски.
-Верувам дека со работењето и на третиот блок во РЕК Битола ќе има вишоци на електрична енергија кои ЕСМ ќе ги продава на слободниот пазар на електрична енергија со цел да си ја подобри својата ликвидност и финансиска стабилност, рече Бислимоски на денешната прес-конференција.
Во одговор на новинарско прашање посочи дека согласно одлуката на Владата, донесена во ноември, од 1 јануари годинава повторно се вратени на слободен пазар сите потрошувачи кои недозволено се префрлија од слободен на регулиран пазар на електрична енергија.
-Тие институции кои имаат надлежност да го утврдат тоа веќе го прават во изминатите неколку месеци, а РКЕ нема надлежност врз компании на кои не им издала лиценци. Верувам дека во наредниот период ќе се знае какви санкции ќе бидат преземени кон компаниите и општините кои недозволено се префрлија од слободен на регулиран пазар на електрична енергија, потенцира Бислимоски.
Ново на Сител
-
Македонија поразена од фаворитот Франција во Вараждин
-
Унгарија посилна од Катар, Македонија нема да игра четвртфинале
-
Поради магла откажани дел од летовите на Скопскиот аеродром
-
Вучиќ повика на објавување на документацијата за Железничката станица во Нови Сад која ја бара Градежниот факултет
-
Фицо: Се подготвува список на луѓе кои ќе бидат протерани од Словачка во врска со обидот за државен удар
-
Со пиштол на дијаболи повредено девојче во скопско училиште
-
Лишени од слобода двајца полициски службеници поради оддавање на службена тајна | ФОТО
-
Да нема преименување на градските улици, Сојуз на борците со отворено писмо до Касами