Блокиран патот Кочани – Делчево од одрони од камења
Одрони од камења и земја на десеттина места од претпладнево го блокираат коловозот на магистралниот патен правец Кочани – Делчево, поради што е отежнато одвивањето на сообраќајот.
Најголеми проблеми за возачите, кои предупредија на опасноста, создаваат поголеми камени блокови на неколку километри од излезот на селото Истибања, поради што е неопходна голема внимателност за да се избегнат можните незгоди.
– На една од кривините кај Истибања асфалтот е целосно прекриен со камења, поради што сме принудени со возилата да ги обиколуваме преку земјената површина во близина на реката Брегалница. Сепак, потешките камиони и автобусите тоа можат потешко да го направат, поради што возачите треба да внимаваат, особено во попладневните и вечерните часови, истакна Тодор Симеонов, возач од Кочани.
Одроните на патниот правец од Кочани кон Делчево се чести и се предизвикани од интензивните врнежи од дожд и зголемената влажност на почвата.
Во официјалното известување од Авто-мото сојузот се препорачува прилагодена брзина на движење и внимателно управување со возилата поради влага на коловозот и одрони на оваа делница од магистралниот пат А3, како и на патниот правец од Виница кон Берово.
Ново на Сител
-
Тема на денот со Joван Деспотовски, СДСМ
-
ДИК ќе ги соопшти првичните официјални резултати од претседателските и парламентарните избори
-
Први реакции од Бугарија и Грција по победата на ВМРО-ДПМНЕ и Гордана Силјановска Давкова
-
Скромно одбележување на Денот на Европа во неискосениот владин двор
-
Избори 2024: Обработени 100% од гласовите
-
Прелиминарен извештај на ОБСЕ и ОДИХР
-
Во недела Силјановска ќе биде инаугурирана за претседателка на државата
-
ВМРО-ДПМНЕ почнува преговори за нова Влада, поставени три принципи за коалицирање