Богдановиќ го прими уверението за градоначалник на Центар
Градоначалникот на општина Центар, Саша Богдановиќ, денеска од Општинската изборна комисија. го прими уверението за избор на градоначалник.
Уверенија добија и новоизбраните советници, 16 од коалицијата предводена од СДСМ и седум од коалицијата предводена од ВМРО-ДПМНЕ.
Саша Богдановиќ имаше примопредавање и средба со досегашниот градоначалник, Андреј Жерновски.
Богдановиќ им се заблагодари на сите досегашни советници и им го честиташе изборот на новоизбраните.
- Му се заблагодарувам и на мојот пријател, Андреј Жерновски. Ќе разменуваме искуства за да ги продолжиме сите отпочнати процеси во општина Центар. По долго време, имавме фер и демократски избори. Се сеќаваме како се одвиваа изборите во 2013-та, но и тогаш граѓаните успеаа да се изборат за вистинската опција. Вољата на граѓаните никој не може да ја оспор, изјави Богдановиќ.
Жерновски рече дека пред четири години, кога ја преземал функцијата никој не ги пречекал, но од утредента веќе редовно доаѓале инспекции.
- Машината е запалена, сега треба да се продолжи она што се работеше. Петнаесеттина проекти се веќе почнати и документацијата е завршена за нив. Центарци на овие избори го добија она што го заслужуваат, Саша е избран во првиот круг. Тука сум за соработка и совети, изјави Жерновски.
Новиот градоначалник Богдановиќ најави дека една од првите работи со што ќе се зафати е ревизија на Скопје 2014.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија