Болници и други објекти на различни места во Русија се евакуирани поради закани со бомби

Единаесет големи објекти се евакуирани во Иркутската област заради соопштенија за поставени експлозивни направи.

– Во моментот е познато за 11 објекти во Иркутската област каде се добиени дојави за закани за бомби, и таму се спроведува евакуација, изјави извор од безбедносните служби.

Регионалното Министерство за здравство соопшти дека во градот Иркутск и Иркутскиот регион се евакуирани вкупно шест болници заради дојави за експлозивни направи.

Ангажирани се соработници на Федералната служба за безбедност, полицијата и Министерството за вонредни ситуации.

Специјалните служби проверуваат објекти на владата и Парламентот на република Буратија и на градските власти на Улан Уде заради сигнали за бомби, додаде изворот.