Болсонаро се враќа во Бразил, нема да ја предводи опозицијата
Поранешниот бразилски претседател, Жаир Болсонаро, се враќа во земјата по тримесечниот престој во САД, решен да игра голема политичка улога во својата татковина, откако актуелниот претседател Луис Инасио Лула да Силва извојува тесна победа на последните претседателски избори, што се одржаа во октомври.
Екстремно десничарскиот поранешен претседател, кој се наоѓа под серија истраги, по враќањето во земјата ќе се соочи со правни постапки, а можно е и негово притворање.
Болсонаро го напушти Бразил на 30 декември, уште пред истекот на мандатот, бојкотирајќи ја церемонијата на инаугурација на Луис Инасио Лула да Силва, на кого, според протоколот, требаше да му ја предаде претседателската лента.
-Нема да ја водам опозицијата на кој било начин, ќе учествувам во политичкиот живот на мојата партија, носејќи го моето искуство“, изјави тој синоќа за Си-ен-ен Бразил на аеродромот во Орландо, пред да влезе во авионот за дома.
Со своите 68 години и по поразот со помалку од два милиони гласови што го турнаа во тишина и дури и депресија, Болсонаро минатата недела ја објави својата намера да „патува низ земјата“ и „да се вклучи во политиката“ за да ги брани бразилските ултраконзервативни вредности.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка