Болтон: САД се против нови избори во Венецуела додека Мадуро е на власт

Вашингтон е против нови избори во Венецуела се додека претседателот Николас Мадуро е на власт, затоа што неговата земја може да го изманипулира изборниот систем во негова корист, изјави американскиот советник за национална безбедност Џон Болтон.

Зборувајќи пред новинарите во Лима, во Перу, каде денеска се оддржува самит за Венецуела, Болтон кажа дека тековните преговори меѓу Владата на Мадуро и опозицијата, што се водат на Барбадос, „ не се сериозни“, пренесуваат медиумите.

Болтон додаде дека овие преговори само му овозможуваат на Мадуро да купува време.