Борел: Преговорите меѓу Белград и Приштина не се лесни, ја поздравувам посветеноста
Третата рунда преговори на највисоко ниво помеѓу Белград и Приштина почна утрово околу десет часот под покровителство на високиот претставник за надворешни работи на ЕУ, Јосеп Борел, јави дописничката на МИА од Брисел.
Борел се обрати кусо пред камерите на почетокот на состанокот за да ја поздрави заложбата на двете страни да продолжат да преговараат.
-Овие разговори, како што разбирате, не се секогаш лесни, затоа сум среќен што гледам посветеност од двете страни, изјави шефот на европската дипломатија.
Српскиот претседател Александар Вучиќ и косовскиот премиер, Авдулах Хоти, денеска треба да разговараат за немнозинските заедници и за взаемните финансиски барања и имоти. Медијаторите не сакаа да кажат за што точно станува збор, но српскиот претседател вчера на брифинг со новинарите се осврна пред сѐ на Заедницата на српски општини и имотите на Србите.
Борел утрово порача дека двете страни се заложиле да продолжат да се усогласуваат со позициите на ЕУ, алудирајќи можеби на веста дека Србија ќе отвори амбасада во Ерусалим, по договорот во Вашингтон.
Вучиќ и Хоти беа заедно во Вашингтон изминатиот викенд и денеска продолжуваат со преговорите, овој пат под покровителство на ЕУ. Овој дијалог е централен за Белград и Приштина бидејќи ЕУ интеграцијата на двете страни зависи од овие преговори.
-Се разбира нивните позиции се различни, но се враќаат тука да најдат заеднички терен и да работат кон сеопфатна нормализација на нивните односи, изјави Борел.
Ново на Сител
-
Мажите мора да служат војска | Димитар Атанасовски | Лабави муабети | Sitel Podcast 44
-
Уапсен штипјанец кој ја нападнал сопругата со која се разведува
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите