Борисов најави дека кандидатот на ГЕРБ за претседател на Бугарија ќе биде прифатен на Запад и со добри односи на Исток
Премиерот во оставка на Бугарија Бојко Борисов и лидер на ГЕРБ свика брифинг на кој ги критикуваше промените во Изборниот законик и вратените мандати за формирање нова влада од страна на втората и третата партија во 45-то Национално собрание.
Како што пренесува дописникот на МИА од Софија, повикувајќи се на бугарскиот премиер во оставка, ГЕРБ нема да ги оспори измените во Изборниот законик пред Уставниот суд на земјата.
Борисов соопшти дека нема да се кандидира за претседател на Бугарија и изјави кој би бил најсоодветен кандидат за претседател од ГЕРБ: „Паметен, згоден, со искуство, прифатен на Запад, со добри односи на Исток. И тој ќе биде сосема различен од сегашниот разединувач на нацијата“, осврнувајќи се на Румен Радев. После тоа, тој рече „нема да бидам јас“, но не одговори дали нема да биде Даниел Митов, кого ГЕРБ го номинира за формирање влада во новоизбраниот бугарски парламент по изборите на 4 април.
Борисов остро го критикуваше усвоениот Изборен законик, нагласувајќи некои од промените, вклучително и машинско гласање и видеонадзор, како и неговото брзо објавување во Државниот весник. Бугарскиот премиер во оставка коментираше дека целта е Централната изборна комисија на Бугарија да се даде во рацете на претседателот. ЦИК ќе се назначува од сегашниот претседател на Бугарија, Румен Радев, а Националното собрание ќе биде под целосен диктат. Борисов посочи дека од 20 членови на ЦИК до сега, ГЕРБ имала 7, сите други биле од други партии.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп