Бразилскиот Сенат ја суспендира претседателката Дилма Русеф на шест месеци
Бразилската претседателка Дилма Русеф денеска е суспендирана од должноста за да се соочи со постапката за утврдување на точноста на обвиненијата дека ги прекршила даночните закони и прописи за користење буџетски средства, јави Танјуг.
Сенатот гласаше со 55 гласа „за“ наспроти 22 „против“ за суспензијата на Русеф. Власта привремено ја презема нејзиниот потпретседател Мишел Темер.
Бразилскиот Сенат 12 часа ја разгледуваше можноста за суспензија на Русеф од должноста за рок од 180 дена, а таа, како што пренесуваат руските медиуми, и не чекајќи го крајот на гласањето, наредила нејзините работи да се пренесат од претседателската палата во личната резиденција.
Бразилската опозиција ја обвинува Русеф дека е вмешана во даночни малверзации и користење на државни средства за финансирање на својата изборна кампања.
Самата Русеф ги отфрли сите обвиненија, а претходно изјави и дека е подготвена за својата функција да се бори „со сите расположливи средства“.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата