Брисел препорача прекин на постапката за буџетскиот дефицит на Грција

Европската комисија денеска соопшти дека препорачала прекин на постапката против Грција, покрената пред осум години, поради прекумерниот буџетски дефицит на државата.

Со ова, како што нагласи потпретседателот на Европската комисија Валдис Домбровски, Брисел практично и оддава признание на Атина за економските резултати постигнати преку спроведување на реформите предвиднеи со неколкуте пакети за спас на државата.

Според Домбровски, ваквата одлука на Брисел претставува позитивен сигнал за финансиската стабилност и економското заживување на Грција.