Бугарија го одбележува Денот на независноста

Традиционално, секоја година централните прослави по повод Денот на независноста на Бугарија се одржуваат во Велико Трново. Како што јави дописникот на МИА од Софија, настаните ќе почнат претпладне, кога претседателот на Бугарија, Румен Радев, ќе присуствува на воениот ритуал на кревање на државното знаме на тврдината „Царевец“, по што ќе одржи говор и потоа ќе учествува во поворка до споменикот „Мајка Бугарија“ во центарот на Велико Трново, каде што ќе положи цвеќе.

Привремениот премиер Стефан Јанев попладнево ќе пристигне во старата бугарска престолнина Трново и ќе присуствува на аудио-визуелниот спектакл „Царевград-Тарнов-звук и светлина“ на плоштадот Цар Асен I во Велико Трново. Претходно тој ќе оставри средба со претседаѕелот на Управниот совет на здружението на општини во Бугаирја,  Даниел Панов. Во рамки на посетата, премиерот ќе ја посети и црквата „Св. 40 маченици “.

Дописникот на МИА од Софија потсети дека пред 113 години бугарскиот цар Фердинанд во Трново со манифест прогласи независност на Бугарија, со што се стави крај на нејзината зависност од Отоманската империја во финансиска и политичка смисла, останата од Берлинскиот конгрес 1878.  По обединувањето на 6 септември 1885 година, Бугарија веќе беше „де факто“ независна држава, но „де јуре“ ова се случи на 22 септември 1908 година.

Интерсен детал од тоа време е дека независноста имала своја финансиска цена, што е регулирана со билатералниот договор меѓу Бугарија и Отоманската империја, со посредство на Русија, чин преку кој таа сакала да го капитализира својот обид да влијае врз младата бугарска држава. Но, тоа не се случи, бидејќи по избувнувањето на Првата светска војна, Бугарија и Русија се најдоа на спротивни страни. Обединувањето на Северна и Јужна Бугарија на 6 септември, поделена за време на Берлинскиот конгрес во 1878 година, заврши со прогласување на независноста на Бугарија во 1908 година. Обединувањето и прогласувањето на независност е резултат на дипломатија од крајот на 19 -от  и почетокот на 20 век и покрај волјата на големите сили.