Бугарија преговара со Германија и Франција за позајмување вакцини
Премиерот Бојко Борисов соопшти дека Бугарија во моментов преговара со Германија и Франција за позајмување вакцини, јави ТВ Нова, пренесува дописникот на МИА од Софија.
– Тие доцнат со вакцинацијата или луѓето, и за разлика од Бугарија, немаат редици за вакцинација. Нека ни позајмат сега, за да не го прекинуваме планот, затоа што гледате – тие истекуваат, застануваме ден-два, тие доаѓаат, веднаш започнуваме повторно. А ние веќе плативме 18.500.000 вакцини, и кога ќе ги добиеме -тогаш ќе ги вратиме “, рече Борисов.
Лидерката на опозициската Бугарска социјалистичка партија, Корнелија Нинова, го повика премиерот Борисов: Наместо да се молите на Франција и Германија, започнете разговори со Кина и Русија, како што направија голем број европски лидери.
Нинова на својот профил на Фејсбук коментира дека голем број централноевропски земји започнале разговори со Москва за испорака на руската вакцина Спутник В. „Голем број европски лидери започнаа разговори за набавка и употреба на руски и кинески вакцини. Чешкиот и унгарскиот премиер, австрискиот канцелар дадоа пример за ова“, напиша таа.
Според Корнелија Нинова, фактот дека бугарскиот премиер Борисов преговара за „позајмување вакцини“ од Германија и Франција е признание за целосен неуспех, беспомошност и недостиг на предвидливост.
Оваа недела, на барање на бугарските социјалисти, парламентарната здравствена комисија на својот состанок ќе го разгледа предлогот на БСП, бугарската влада да започне преговори за набавка на руската вакцина.
Ново на Сител
-
По пораката на ДУИ: Подготвени ли сте?, МВР одговори: Ќе се справиме со сите предизвици за дестабилизација
-
Даути повторно одбива да го стави Законот за бранители на дневен ред
-
Ковачев: Не се потребни посредници меѓу Скопје и Софија
-
Ултрадесничарите победија на изборите во Австрија
-
Врие од корупција во јавните набавки покажува истражувањето на ЦГК
-
ДСЗИ во вонреден надзор во кумановската болница, Обвинителството ја чека обдукцијата на 31-годишната родилка
-
Родова или полова рамноправност - Дали е сеедно?
-
Пензионерите утре ќе добијат повисоки пензии за 2,500 денари