Бугарија протера двајца руски дипломати кои се сомничат дека шпионирале за Москва

Бугарија одлучи да протера двајца руски дипломати кои се сомничат дека шпионирале за Москва.

„Бугарското Министерство за надворешни работи прогласи двајца дипломати на руската амбасада во Софија за непожелни и им даде 72 часа да ја напуштат земјата поради активности што не се во согласност со дипломатскиот статус“, се вели во соопштението.

Обвинителството во петокот објави дека се приведени шест лица, меѓу кои и неколку претставници на Министерството за одбрана, обвинети за давање доверливи информации на водачот на мрежата, поранешен агент. Неговата сопруга од руско-бугарска националност била медијатор во комуникацијата со Москва, според истиот извор.

Руската амбасада изрази жалење за протерувањето на дипломатите, нарекувајќи го неосновано.

„Русија го задржува правото да возврати“, предупредуваат од амбасадата.

Бугарија има традиционално добри економски односи со Русија, но од октомври 2019 година, неколку шпионски скандали ги ослабнаа овие врски. Пет руски дипломати и технички асистент во амбасадата беа протерани од земјата во тој период.