Чавушоглу: Разузнавачките служби почнале да користат новинари во Турција како агенти

Разунавачките служби почнале да ги користат новинарите во Турција како агенти, изјави денеска турскиот министер за надворешни работи Мевљут Чавушоглу. 

- Во последно време во Европа почна една мода, во приватните тајни служби почнаа да се користат новинари како агенти на Турција, рече Чавушоглу на заедничка прес-конференција во Анкара со германскиот министер за надворешни работи, Зигмар Габриел. 

Во февруари во Турција беше уапсен дописникот на весникот „Велт“ Дениз Јуџел. Тој е обвинет за шпионажа. Во април преведувачката со германско државјанство Мешале Толу беше приведена во Истанбул под обвиение за извршување терористичката пропаганда.

Чавушогу и Габриел денеска не постигнаа напредок во однос на клучното прашање, поврзано со посетата на германски пратеници во военовоздухопловната база Инџирлик, каде има германски војници. 

Во меѓувреме се појавија информации дека турскиот премиер Бинали Јилдирим ја откажал планираната средба со Габриел поради „преоптоварената“ програма.