Челинџ куп: Вардар Јуниор домаќин на Карпати
Македонскиот претставник во Челинџ купот Вардар Јуниор денеска го игра првиот натпревар од четвртфиналето. Во СЦ „Јане Сандански“ во Скопје ќе гостува украинската екипа Карпати, која се наоѓа на лидерското место во лигата на Украина.
Избраничките на тренерот Симе Симовски со четири победи на четирите натпревари одиграни досега (сите на домашен терен) стигнаа до четвртфиналето, а вистинската проверка на силите „младите вардарки“ ќе ги имаат во дуелите со Карпати. Тоа е екипа со сличен квалитет и со нешто поискусни ракометарки.
- Треба да одиграме како што знаеме и со тоа да постигнеме добар резултат, кој ќе ни овозможи да одиграме растеретено на гостински терен во реваншот, истакна Симовски.
Со исклучок на повредената Ангела Тодоровска Вардар Јуниор ќе настапи во комплетен состав, а ракометарките најавија максимална борбеност и ангажираност.
Натпреварот Вардар Јуниор – Карпати почнува во 18:30 часот.
Инаку, веќе се познати два полуфиналисти. Тоа се екипите на Кастамону (Турција) и Гран Канарија (Шпанија). Кастамону кој е потенцијален ривал на Вардар Јуниор двата натпревара ги одигра дома со Вирто (Холандија) и оствари вкупен триумф со 52:46 (27:23 и 25:23), додека Гран Канарија во двата дуела на домашен терен ја победи екипата Извор од Србија со 35:25 и 27:19 или вкупни 62:44.
Во првиот натпревар од четвртфиналето Старт Елбаг победи со 29:25 против Измир.
фото: www.zrkvardar.mk
Ново на Сител
-
Царинските службеници запленија техничка стока, цигари, електронски цигари, лековити билки
-
Тројца тинејџери биле приведени вчера откако кај нив полицијата пронашла марихуана
-
Мицкоски на Европскиот самит во Салцбург: Иднината на Македонија е во ЕУ, посветеноста ја докажавме со бројни отстапки и чекори
-
Осум лица аплицираат за две места во ДИК
-
Муцунски: Подготвена нацрт - верзијата на Законот за надворешни работи, која наскоро ќе биде презентирана во јавноста
-
Струмичанка тешко повредена во сообраќајка
-
СЗО ќе евакуира околу 1.000 жени и деца од Појасот Газа во болници низ Европа
-
Ибраимовски: Скршено е стакло, фрлена неактивирана бомба, нема повредени