Честитка од Вељаноски по повод Божик
Претседателот на Собранието на Република Македонија Трајко Вељаноски по повод претстојниот празник Раѓањето Христово-Божик упати честитки до сите верници од католичка вероисповед.
- Христовото раѓање е величествениот ден кога целото човештво го здогледа големиот сјај и го означи зачетокот на славењето на љубовта кон Бога. Овој голем христијански празник нека ни внесе мир и спокојство во нашите срца и добрината секогаш да биде во нас. Светлината на Христовото раѓање да ни биде водилка низ животот за да сме луѓе кои градат вистински христијански вредности, меѓусебно почитување и солидарност, вели Вељаноски во честитката.
Со прославувањето на празникот, се додава во честитката, да ја возобновиме потребата да помогнеме на сите оние кои страдаат и имаат потреба од љубов и со тоа да ја поттикнеме надежта и вербата во Бог.
- Да продолжиме да бидеме истрајни во нашите заеднички цели и да придонесеме во нашиот заеднички напредок и благодет. Потребно е да е да сме обединети и да работиме за просперитетна иднина на Република Македонија, вели претседателот на македонското Собрание во честитката по повод Раѓањето Христово-Божик.
Ново на Сител
-
Каселакис го прашува Мицотакис што направил за учеството на ВМРО-ДПМНЕ на изборите под името „Твоја Македонија“
-
Пробиени две брани во поплави во јужна Германија
-
Мицотакис оптимист дека Нова демократија на евроизборите ќе го повтори успехот од пред пет години
-
Герапетритис: Грција го поддржува меѓународното право и го почитува ратификуваниот меѓународен договор, истото го бараме и од Северна Македонија
-
Офир Фалк, главен советник на Нетанјаху: Планот не е добра зделка, но Израел го прифаќа
-
ОЈО: Извршен увид на местото на убиството во Боговиње
-
Во Собранието утре прва официјална координација
-
Убиство во Боговиње