Честитка по повод Курбан Бајрам од ВМРО-ДПМНЕ
ВМРО-ДПМНЕ на сите граѓани од исламска вероисповест им го честита верскиот празник Курбан Бајрам.
- Големите верски празници се мигови кога се празнуваат традиционалните вредности на хуманост, толеранција и заедништво. Радоста и хармонијата на семејството се највредната работа која секој поединец ја посакува. Нека овие празници бидат можност одново да се зацврстат семејните вредности во нашето мултиетничко и мутиконфесионално општество, се вели во честитката од ВМРО-ДПМНЕ.
Различноста во религиите, истакнува ВМРО-ДПМНЕ, е богатството на нашата земја и придонесува за поголем напредок и меѓусебно разбирање и толеранција.
- Македонија има вековна традиција на заеднички живот помеѓу различните верски и национални групи и таа традиција треба да ја развиваме и негуваме од почит кон нашите предци, но и како обврска за нашите идни поколенија.Во духот на овие вредности на сите верници од исламска вероисповест им го честитаме големиот празник и им посакуваме многу успеси и напредок, бидејќи личниот напредок значи и придонес за нашата татковина Република Македонија, наведува ВМРО-ДПМНЕ во честитката.
Ново на Сител
-
Преглед на вестите од светот
-
Матните настани за корупција, институциите да ги сфаќаат сериозно
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра