Четиридневна воена вежба на Русија и Филипините

Бродови на руската Воена морнарица денеска пристигнаа на Филипините поради заедничка воена вежба во рамките на новите надворешно-политички амбиции на филипинскиот претседател Родриго Дурерте да се приближи до традиционалните ривали на Вашингтон.

Крстосувач вооружен со наведувни ракети „Варјаг“ и танкерот „Печенге“ се во четиридневна посета на Филипини.

Таквиот чекор е дел од тоа што Дутерте го нарекува „независна надворешна политика“ диктирана од Уставот. Тој отворено ја покажува својата лутина кон САД, а како приоритет го потенцира пријателството кон Кина и Русија.

Капетан Лиед Линцун, директор за јавни односи на филипинаската Морнарица истакна дека се надева оти Филипинците ќе научат нешто од Русите за време на тренажните активности и демнострацијата на напредната технологија и вооружени системи.

Москва сака да и помогне на Манила во борбата против екстремизмот и пиратите, зајакнувајќи ја соработката и обуката на подрачјето каде Филипини традиционално соработуваа со САД.