Цветко Митрески го фати светиот крст во реката Црн Дрим во Струга

Деветнаесетгодишниот Цветко Митрески го извади светиот крст од водите на реката Црн Дрим во Струга.

Стружанецот, кој десетти пат скокал по светиот крст, три пати го фаќал во Дебар, а прв пат во родната Струга

-За мене ова е најубавиот ден во цела година. Да им помогне на сите кои се капат и сите да го фатат крстот. Десет години по ред скокам, од кои седум пати во Струга, а трипати во Дебар и го фаќав крстот. Ова ми е прв пат да го фатам крстот во Струга во мојот роден град, изјави Митрески.

Тој беше најсреќен меѓу стотината верници кои влегоа во ладните речни води обидувајќи се да стигнат до светиот крст, што го фрли митрополитот Дебарско-кичевски, г Тимотеј.