Дачиќ со тврдење дека на Вучиќ му се заканува „обединет одговор“ од српската и црногорската мафија

На претседателот на Србија, Александар Вучиќ, му се заканува „обединет одговор“ од црногорската и српската мафија затоа што се бори против организираниот криминал. Со такво тврдење денеска се огласи претседателот на Собранието на Србија, Ивица Дачиќ во изјава за локални медиуми.

– Во услови кога Србија удира во мафијата и криминалот, логично е одговорот да биде  обединет, изјави Дачиќ за ТВ Пинк.

Коментирајќи ги наводите на провладините таблоиди дека руските тајни служби го предупредиле претседателот на Србија за атентат, Дачиќ рече дека такво нешто не е изненадувачки затоа што на Вучиќ му се закануваа и луѓе што ги создал политички и кои добиле важни позиции во јавноста администрација.