Данска ги отвора културниот и забавниот сектор од ковид ограничувањата
По еден месец затвореност, во Данска денеска повторно се отворени културните институции, зоолошките градини и забавните паркови, како дел од мерките за ублажување на последиците од пандемијата, и покрај тоа што се уште има голем број новозаразени лица.
Од денеска повторно се отворени музеите, зоолошките градини, забавните паркови, кината, театрите и концертните сали, за првпат по четири недели ограничувања на капацитетот.
За да пристапат до повеќето места, посетителите ќе мора да носат маска и да покажат сертификат што докажува дека се вакцинирани, неодамна закрепнати или негативни на тестот за Ковид-19.
Ноќните клубови, меѓутоа, и натаму остануваат затворени, барем до крајот на месецот.
Данска, земја со шест милиони жители, неодамна забележа повеќе од 20.000 нови случаи на ден.
Надлежните од јавното здравство посочуваат дека ова е веројатно врвот на бранот, а бројот на хоспитализирани е стабилен и покрај растот на заразените. Во данските болници во просек се хоспитализирани меѓу 700 и 800 луѓе со Ковид-19.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје