Дедо Мраз на Кумановец му подари престижен автомобил

Крајот на 2015-та година го означи и завршувањето на маратонската наградна игра на Skopje City Mal, кој изминатиот период беше центарот на случувањата во нашиот главен град. Имено, повеќе од 30 илјади луѓе дневно го посетија нашиот најголем мол и уживаа во празничната програма „Празнични радости“, која понуди за секого по нешто интересно и притоа ја донесе предновогодишната магија во Скопје. 

 

Најголемото изненадување беше маратонската наградна игра за престижниот JEEP Renegade, „Happy Jeep to You“. Имено, стануваше збор за голема наградна игра, која на некој посетител ќе му донесе среќа, покрај шопингот да си замине дома со најновиот модел на JEEP Renegade My2015 1.6. Вчера во 18:00 часот Дедо Мраз од илјадниците пликоа го извлече среќното плико на Драган Ѓорѓиевски од Куманово.