Делчево ги слави заштитниците на градот Свети Кирил и Методиј
Порака за мир и единство во Македонија, соживот и љубов, испрати денеска од Делчево владиката Иларион по повод празникот на сесловенските браќа Кирил и Методиј, ден кој овој град го одбележува како свој празник.
- Го празнуваме празникот на словенските учители и просветители коишто ни создадоа азбука, кои не описменија за да можеме денеска, да зборуваме, пишуваме, да го славиме Бога, да се радуваме, на свој мајчин словенски јазик. Ги молиме светителите да се молат пред престолот божји за мир и благосостојба во целиот свет, за мир и единство на народот во нашата татковина, за љубов и соживот, исто така, да ги утврдат сите народи во љубовта и единството. Христос Воскресна, честит и вечен празник, рече владиката Иларион.
Празнувањето на Денот на заштитниците на Делчево, словенските просветители, започна со свечена литургија со која чиноначалствуваше владиката Иларион во новоизградената црква „Св. Наум“ која е дел од верскиот објект во изградба посветен на „Св. Кирил и Методиј“ во центарот на Делчево. Традиционално на овој ден, свештените лица и верниците, се дел од свечената литија и кршењето на славскиот колач што се одржува во новата црква „Св. Климент Охридски“ осветена лани и подигната во дворот на делчевската гимназија, каде во 60-тите години била срушена црквата посветена на браќата Кирил и Методиј.
Владиката Иларион ги повика верниците да донираат за доизградба на црквата Св. Кирил и Методиј која се гради веќе 18 години, но ги повика верниците да донираат и за нова црква која треба да се подигне во населбата Милково Брдо во Делчево.
Делчево има посебен пиетет кон словенските браќа кои на горниот тек од реката Брегалница ги поставија темелите на словенската писменот. Ова градче на истокот веќе пет години со црковни свечености го одбележува овој ден.
Градоначалникот Дарко Шехтански во оваа пригода испрати порака за здравје и бериќет до сите верници.
Ново на Сител
-
Синер и Ѓоковиќ во финалето на мастерсот во Шангај
-
Трамп побарал воени авиони и противракетна заштита на неговите митинзи
-
Во Охрид почина Алекс Салмонд, поранешниот прв министер на Шкотска
-
Судењето за убиството на Вања и Панче продолжува во понеделник
-
Унгарското претседателство: Одобрени агендите на земјите од Западен Балкан вредни 6 милјиарди евра
-
Отворена нова канцеларија на управните служби на МВР во Сарај
-
МВР апелира за нови интернет измами: Граѓаните да не споделуваат лични податоци и податоци од платежни картици
-
Претрес во липковско: Пронајдени дрога и оружје, приведени две лица