Делчево го доби првороденото бебе во 2021 година - Бебето е девојче

 Делчево го доби првороденото бебе во 2021 година. Бебето е девојче и е прва рожба во домот на младите Даниел и Сандра Стоименовски.

За првороденото бебе во Новата година, Општина Делчево ќе издвои паричен надомест од 10 илјади денари.

– Ова е пракса која секоја година се практикува како мала поддршка на семејствата чие бебе е првородено во годината, истакнаа од општината.

Од општината посочија дека освен малата Мила, парична помош во 2021 година ќе добијат и останатите родители кои ќе добијат новороденче во Новата година.