Денеска и утре ветровито со минимални температури и до нула степени
За денеска и утре синоптичарите најавуваат ветровито време со повремено засилен северен ветер. До сабота утринските температури ќе бидат многу ниски и на некои од повисоките места ќе се спуштат и до нула степени.
Од УХМР најавуваат дека по утрешните пониски дневни температури, в петок и за викендот дневните температури ќе бидат во брзо покачување.
Во изминатите 24 часа до 8 часот утрово, најмногу дожд наврна во Крива Паланка и тоа 4 литри на квадратен метар, во Берово и Дојран по 3, во Виница 2, Скопје, Ѓуриште и Куманово по еден литар на квадратен метар.
До крајот на денот денеска не очекува променливо облачно и свежо време со повремен локален дожд претежно во северните и источните делови. Ќе дува умерен, а долж Повардарието засилен ветер од северен до северозападен правец. Максималните температури ќе се движат во интервал од 16 до 25 степени.
Во Скопје ќе преовладува променливо облачно со услови за краткотраен дожд и повремено засилен северен ветер. Максималните температури ќе достигнат до 19 степени.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп