Денеска нов протест за скандалот на Онкологија
Преку соопштение на социјалните мрежи, неформалната група „Протест против убиствата на Онкологија“ најави нов протест за денеска во 18 часот и ги повикаа граѓаните да излезат вечерва пред Владата.
„Повторно, ве повикуваме на протест в понеделник пред Владата заедно во еден глас да ги искажеме гневот и револтот против целиот криминал што со години тлеел на Клиниката за онкологија, но и во целосниот здравствен и политички систем. Ние бараме задоволување на социјалната правда и тоа е возможно само ако се понесе одговорност за згаснувањето на животите на луѓето како резултат на корупцијата. Правда за жртвите мора да има!“, се вели во повикот.
„Протестот од Влада ќе продолжи пред зградата на Министерството за здравство, каде што ќе побараме одговорност за сите инволвирани во скандалот со Клиниката на онкологија, но и за обелоденување на информациите во врска со истрагата за трагедијата во модуларната болница во Тетово, вклучувајќи ги лицата од Министерството за здравство, како што се претходните министри, кои влијаеле за забошотување на случаевите.
Повторно нагласуваме и за тоа дека измени во Кривичниот законик нема да ги аболираат инволвираните од нивните злосторства доколку ние тоа не го дозволиме“, се додава во повикот објавен на социјалните мрежи.
Ново на Сител
-
Сè уште активен пожарот во станбената зграда во Чаир
-
Се запалиле двете возила по сударот - детали за сообраќајката кај Лагово
-
Утрово најстудено во Берово
-
Затворена за сообраќај магистралата Битола - Прилеп кај Лагово
-
Три лица загинаа во тешка сообраќајка на патот Прилеп – Битола
-
Обвинителите велат дека Трамп дејствувал во лично својство кога се обидел да ги промени резултатите од изборите во 2020 година
-
Штрајкот во американските пристаништа го блокира увозот на кафе
-
29 години од атентатот на претседателот Киро Глигоров