Денеска средба Шолц - Мицотакис
Енергетиката, миграцијата, климатската криза, економијата, како и ситуацијата во Источниот Медитеран, Западен Балкан и во Украина, се очекува да бидат темите за кои денеска ќе разговараат грчкиот премиер Кирјакос Мицотакис и германскиот канцелар Олаф Шолц, јави дописничката на МИА од Атина.
Мицотакис од вчера е во работна посета на Берлин каде се сретна со лидерот на опозициската ЦДУ Фридрих Мерц со кој учествуваше и на дискусија организирана од Фондацијата Конрад Аденауер.
Портпаролот на грчката Влада Павлос Маринакис на вчерашниот редовен брифинг со новинарите рече дека на агендата разговори на Мицотакис и Шолц ќе бидат сите актуелни прашања, а посетата на Берлин е во период кога „грчката економија го врати инвестицискиот степен и на тој начин премина во нова ера“, а во исто време забележа „најголемо намалување на долгот во светот во 2022 година пропорционално на БДП“.
– Високо на агендата разговори ќе бидат прашањата за енергетиката, миграцијата и климатската криза.
Веќе во рамките на преговорите за Повеќегодишната финансиска рамка на Европската унија, Грција бара повеќе ресурси за справување со овие прашања.
Исто така ќе се разговара и за регионалните и меѓународните случувања со акцент на состојбите на Блискиот Исток и Источниот Медитеран, Западен Балкан, како и за најновите случувања во Украина, рече Маринакис.
Ново на Сител
-
Државата им плаќа да студираат на престижни универзитети, ама не го користи нивниот потенцијал
-
ЕУ очекува уставни измени и почитување на Преспанскиот договор од новата Влада
-
Ибраимовски демантира дека им се заканувал по живот на уставните судии
-
Камбовски: Распуштање на Судски не е опција
-
Преглед на вестите од светот
-
На секоја втора фирма во Македонија и се барало мито
-
Граѓаните не се доволно вклучени во процесот на носење одлуки
-
Не запираат дивоградбите во Охрид