Денвер трет пат го совлада ЛА Лејкерс
Кошаркарите на Денвер поведоа со 3:0 во првото коло од плејофот на Западната конференција во НБА лигата, откако утринава на гостински терен го совладаа Лос Анџелес Лејкерс со 112:105.
Денвер ја презеде контролата врз играта во третата четвртина и на крајот ја забележа својата 11-та последователна победа против Лејкерс, или петта на гости, вклучувајќи го и финалето на Западната конференција минатата сезона. Лејкерси последен пат го победија Денвер на 16 декември 2022 година.
Ниту една екипа во плејоф историјата на НБА лигата не успеала да се врати по негатива од 0:3, а следниот, можеби последен натпревар од оваа серија е закажан за ноќта меѓу сабота и недела.
Филаделфија на домашен терен триумфираше синоќа над Њујорк со 125:114 и ја намали предноста на противникот на половина (1:2) во првото коло од плејофот на Источната конференција.
Кошаркарите на Орландо на домашен терен го победија Кливленд убедливо со 121:83 и со тоа го намалија резултатот на 2:1 во првото коло од плејофот на Истокот.
Орландо, кој имаше 43 поени предност во четвртата четвртина, ја постигна првата победа во плеј-офот од 2019 година и прва на својот паркет од април 2011 година.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот