Деведесет години ветеринарна наука во Македонија
Факултетот за ветеринарна медицина - Скопје (ФВМС) денеска го одбележува јубилејот „90 години ветеринарна наука и едукација” во Македонија.
Одбележувањето е по повод основањето на првата ветеринарна научна и едукативна институција во Македонија, Ветеринарно одделение во рамки на Хигиенскиот завод во Скопје основан 1927 година, од кој подоцна настанува Ветеринарниот институт кој, пак, од 2004 година работи во рамки на Факултетот за ветеринарна медицина - Скопје.
Во претпладневниот дел е предвидена работна сесија со пленарни предавања за современите трендови, предизвици и потреби во ветеринарната едукација и наука во Македонија, која ќе заврши со доделување дипломи на студенти во учебната 2016/2017, додека вечер ќе се одржи свечена академија на која ќе присуствуваат истакнати дејци и основоположници на ветеринарната професија во Македонија, како и гости од други ветеринарни факултети и институции со кои ФВМС има повеќедецениска соработка.
На свечената академија најпрво ќе се обратат деканот на Факултетот Лазо Пендовски, ректорот на УКИМ Никола Јанкуловски и директорот на Агенцијата за храна и ветеринарство Зоран Атанасов, по што ќе има видео презентација за Факултетот за ветеринарна медицина - Скопје, а ќе биде промовирана и монографијата „90 години Ветеринарна наука и едукација“ од продеканот на Факултетот за ветеринарна медицина – Скопје, проф. д-р Тони Довенски.
Ново на Сител
-
Лавров: Блискиот исток е на работ на голема регионална војна
-
Кина продолжува да ги намалува ограничувањата за странски инвестиции
-
Фон дер Лајен: Трансформациите треба да бидат фер и да обезбедат просперитет за сите во Европа
-
ДЗС располага само со еден функционален „Ер трактор“, но моментално нема потреба од дополнителни летала
-
Лишени од слобода деветмина дрвокрадци, поднесена кривична пријава
-
Се шетал со полн пиштол и уште 61 куршуми - Уапсен 19 годишник
-
СВР Скопје со засилени мерки за безбеден град Скопје
-
ВМРО-ДПМНЕ: Антикорупциска и ЈО да испитаат зошто Филипче како министер криел имот што го поседува