ДИК ги запре сите изборни активности
Државната изборна комисија на денешната седница ги запре сите активности поврзани со изборите кои беа закажани на 5 јуни, се до конечната одлука на Уставниот суд.
Претседателот на ДИК Александар Чичаковски рече дека треба да се запрат и сите понатамошни дејствија и активности на општинските изборни комисии, кои пак треба да се задолжат до ДИК да достават извештај за работа и финансиски извештај за периодот од нивниот избор до 18 мај 2016 година.
- Предлагам да се донесе заклучок да се запрат и сите понатамошни дејствија и активности во насока на спроведување, односно да доставиме информација да се запрат сите понатамошни дејствија и активности во насока на спроведување на предвремените парламентарни избори што требаше да се оддржат на 5 јуни 2016 година, а кои требаше да ги преземат Агенцијата за аудио и аудиовизуелни медиумски услуги, Државната комисија за спречување на корупција, Државниот завод за статистика и Државниот завод за ревизија, рече Чичаковски.
Членот на ДИК, Субхи Јакупи истакна дека Комисијата ќе продолжи со активностите кои, како што додаде, одат во насока на секојдневна работа што е надлежност на ДИК. - Како што почнавме и стигнавме до прочистување на Избирачкиот список, мислам дека и понатаму треба да продолжиме со тие активности, рече Јакупи.
Ново на Сител
-
Создавање на кадри според потребите на пазарот на трудот - Дали оваа политика може негативно да се рефлектира врз гимназиите?
-
Пратенички прашања во Собранието
-
Таравари: Алијанса за Албанците ќе излезе од Владата ако премиерот смета дека не сме потребни
-
СДСМ: Додека државата тоне, партиите во Владата се караат за ресори и тендери
-
63 општини досега доставиле 450 проекти за финансиска помош од државата
-
На повидок воспоставување на голема соработка помеѓу прилепската општа болница и Универзитетскиот клинички центар во Лозана
-
Преглед на вестите од светот
-
Снопче: Aкo Мицкоски каже да ја напуштиме Владата, веднаш ќе го сториме тоа