ДИК и НДИ во работна посета на Охрид, на средба со претставници на ОИК и кандидатите за градоначалник
Претставници на Државната изборна комисија и на Националниот демократски институт денеска беа во работна посета на Охрид, каде остварија средба со членовите на Општинската изборна комисија, како и со кандидатите за градоначалници, односно нивни претставници.
Претседателот на ДИК, Оливер Дерковски, рече дека целта на посетата е да се видат условите во кои работи ОИК, дали се спроведуваат сите организациски работи согласно роковникот.
– Тука сме да се информираме дали кандидатите се задоволни од работата на изборната администрација, ОИК и да се разрешат сите евентуални дилеми, со цел изборите да минат во фер и коректна атмосфера и на крај да дадат победник со целосен легитимитет, рече тој.
Обучувачи на ДИК веќе подолг период спроведуваат обука на претседателите и замениците-претседатели на изборните одбори, со цел зголемување, подобрување на нивото на квалитет на изборните органи, за да намалат техничките пропусти што се јавуваат на изборниот ден, а заради недоволно владеење на прирачниците, односно законските одредби од оние што ги спроведуваат изборите на терен.
– ДИК ќе продолжи и после изборите да спроведува континуирана обука на изборната администрација, со цел државата во иднина да го покаже демократскиот капацитет, рече тој.
Дерковски појасни дека кампањата досега минува релативно коректно, барем во првиот денови, изразувајќи уверување дека така и ќе продолжи, независно очекувањата предизборната кампања да се интензивира со приближувањето на денот на гласање.
На кандидатите и нивните штабови им порача да се придржуваат кон изборниот законик, да ги почитуваат противкандидатите, да водат фер кампања преку натпревар на идеи, оттаму што само на тој начин ќе се изборат за легитимитет пред граѓаните.
Имено, после посетата на ОИК, претставниците на ДИК и на НДИ имаа средба со кандидатите за градоначалници на Охрид, кои од своја страна предизборната кампања нејзиниот досегашнен тек генерално ја оценија како фер и демократска.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО