ДИК избра генерален секретар
Државната изборна комисија (ДИК) на денешната седница со јавно гласање го избрала Добре Јанчев за нов генерален секретар, соопшти ДИК.
На оваа раководна функција која ќе ја извршува во наредните пет години Јанчев доаѓа од местото државен советник за едукација, правна и меѓународна соработка во ДИК.
Согласно измените и дополнувањата на Изборниот законик, ДИК на 30 декември до четирите најголеми политички партии застапени во Собранието ги доставила еден ден претходно утврдените предлог-текстови на Правилникот за методологија за водење и ажурирање на Избирачкиот список заснован на проверки и статистички анализи, вкрстени проверки на различни бази на податоци и евиденции, неограничени теренски проверки и други соодветни признати методи на проверка и на Правилникот за методологија за целосен пристап, вршење промени и бришење на податоци во Избирачкиот список, како и постапка за спроведување теренска проверка заради негово ажурирање.
ДИК, како што стои во соопштението, очекува во најкраток можен рок четирите најголеми партии да се усогласат, за потоа да ги усвои овие два важни акта за проверка и ажурирање на Избирачкиот список.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден