Димитров: Македонските државјани затекнати во странство веднаш да се регистрираат во најблиското ДКП
Министерот за надворешни работи Никола Димитров вечерва упати апел до македонските граѓани затечени во странство поради ситуацијата со коронавирусот за итна регистрација во најблиското Дипломатско – конзуларно претставништво со цел да им се помогне да се вратат во земјава.
-Почитувани македонски граѓани кои во моментов сте во странство, посебно вие кои немате регулиран престој и поради вонредно тешките околности насекаде, откажани летови и затворени граници, немате начин како да се вратите дома, во татковината. Се обидуваме да најдеме правилен начин да ви помогнеме да се вратите, но секој сериозен напор, претпоставува точни информации. Има наводни информации за 150 граѓани затекнати во Барселона, додека во овој момент во Амбасадата на Македонија во Мадрид има само 16 пријавени. Затоа, ве замолувам ажурно да се пријавите во дипломатско-конзуларните претставништва во земјата каде сте затекнати, или во најблиското ДКП доколку таму немаме мисија.
Емаил адресите на ДКП-та се достапни на сајтот на МНР https://mfa.gov.mk/ (ако го отворате на мобилен телефон видете подолу на сајтот), а потребни се податоци за: име и презиме, број на патна исправа, контакт телефон, земја и град каде се наоѓате и дали имате регулиран престој во која било странска држава.
-Бидејќи ќе правиме пресек на состојбата за 24 часа, ве замолувам тоа да го сторите до утре до 17 часот (четврток 19 март 2020 год). Ќе направиме се’ што можеме, водејќи сметка и за државниот интерес да се грижиме за македонските државјани затекнати во тешка ситуација во странство и за државниот интерес да се чува здравјето на нацијата дома, наведува Димитров во апелот.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ