-->
-->
Димитров од Талин: Македонија е важна за стабилноста на регионот
-->
Министерот за надворешни работи Никола Димитров денеска во Талин на неформалниот состанок на министрите за надворешни работи на земјите членки на ЕУ и земјите кандидати за членство во Унијата порача дека Македонија е важна за стабилноста на регионот.
На состанокот, шефот на македонската дипломатија подвлече дека Република Македонија и земјите од регионот ги споделуваат истите заеднички предизвици со ЕУ во однос на радикализацијата, насилниот екстремизам и тероризмот.
- Интеграцијата на нашиот регион во ЕУ е исклучително важна за безбедноста на Европа. Насилниот екстремизам, радикализам и тероризам не познава граници. Затоа, нашиот заеднички одговор мора да биде единствен и целосно координиран, истакна Димитров. Ова, како што соопшти МНР, било поздравено од другите учесници на состанокот.
Дискусиите на состанокот беа фокусирани на спречувањето и борбата против радикализацијата и насилниот екстремизам, како и на заедничките безбедносни предизвици за земјите членки на ЕУ и земјите кандидати.
Министерот Димитров учествува на состанокот во Талин на покана на високата претставничка на ЕУ за надворешни работи и безбедносна политика Федерика Могерини и министерот за надворешни работи на Естонија, Свен Миксер.
На маргините на состанокот министерот Димитров остварил билатерална средба со еврокомесарот за проширување Јоханес Хан, на која го запознал за досега постигнатото во првите 100 дена од Владата. Еврокомесарот, како што информира МНР, го поздравил напредокот и дал поддршка на процесот, како и на европските чекори и добрососедството на новата надворешна политика.
Министерот Димитров на покана на заменик-министерот на Естонија надлежен за европски прашања, Мати Масикас учествувал и на работниот ручек со земјите-кандидати, на кој се дискутирало за политиката на ЕУ за проширувањето и статусот на реформи во земјите кандидати. Во духот на неформалниот карактер на состанокот, Димитров остварил разговори и со колегите од Бугарија, Грција, Холандија, Велика Британија и Словенија.
Министерот Димитров изразил благодарност на естонското претседателство за поддршката кон политиката на ЕУ за проширување, додавајќи дека оваа политика на Унијата треба да се смета како комплементарно средство на нејзината безбедносна политика. Димитров ја реафирмирал заложбата на Македонија за постигнување суштински напредок во имплементацијата на реформите, со цел отворање на патот кон отпочнување на пристапните преговори за членство во ЕУ
-->
-->
-->
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд