Димитровски: Се санираат штетите од синоќешното невреме во кочанско
Кочани и неколку околни населени места вчера околу 19:30 часот ги зафати силно невреме проследено со обилен дожд, ветер и грмотевици. Градионачалникот на Кочани Ратко Димитровски и екипи од Центарот за управување со кризи од изутринава се на терен и извршија увид на лице место.
Градоначалникот Димитровски изјави дека според Центарот за управување со кризи на Кочани невремето предизвикало откорнување на дрва во кругот на Основното училиште „Св.Кирил и Методиј“ при што е направена штета на училишната зграда.
- Искорнати дрвја имало и во индутрискиот дел на градот кај компанијата ТИНГ кон магистралниот пат А3. Екипи на кочанската територијална противпожарна единица, Македонија пат и од Комуналното претпријатие „Водовод“ се на терен и ги отстрануваат дрвјата од патот и истиот е веќе оспособен за сообракај, изјави Димитровски.
Од силното невереме, грмотевиците и електричното празнење, истакна Димитровски, во прекин е напојувањето со електрична енергија на населените места Мојанци, Тркање и Горни и Долни Подлог како и во градот на улиците „Скопска“, „Охридска“ и „4 Македонска ударна бригада“. Екипи на ЕВН се на терен и работат на отстранување на дефектот во трафостаниците од каде што се напојуваат со електрична енергија.
Засега не се пријавени штети од невремето на земјоделски површини, освен за поплавени магациннски простории на Склада со градежен материјал, каде што од изутринава интервенирала Кочанската ТППЕ во отсранувањето на водата од просториите.
Ново на Сител
-
Ахмети најави битка за одбрана на легитимност
-
По пратеничкиот мандат на Беџети, Сарај ќе избира нов градоначалник
-
Внимателно со трошење на буџетските пари, порачуваат академците
-
Советот на јавни обвинители законски не може да го разреши Иџет Мемети
-
На Кацарска и завршува мандатот - Кој ќе ја наследи?
-
Шокаровски – Ова е оркестрирана хајка за уништување на државната Кардиохирургија
-
Матичните лекари реагираат за најавените казни за пречекорувања при давањето терапија на пациентите
-
Преглед на вестите од светот