-->
-->
Додека МВР и Спасовски наводно го бараат, Беќир Асани од Мала Речица порачува: Јас сум тука
-->
Не е вистина дека сум го тепал Тодор Петров. Ова вчера за „Дневник“ го изјави Беќир Асани, шеф на чаирскиот разгранок и член на претседателството на ДУИ, кој лично Петров посочи дека бил главен во групата која го претепала во саботата во еден скопски ресторан, по поставувањето на камен-темелникот за изградба на големиот крст во Бутел, пренесува ДНЕВНИК.
ФОТО: Дневник
И додека полицијата три дена го бара Асани за инцидентот во скопскиот ресторан, тој вчера, нешто по 15 часот, во друштво на чаирскиот градоначалник Изет Меџити и пратеничката Ермира Мехмети влегоа во централата на ДУИ во Мала Речица каде што партијата требаше да одржи Централно претседателство.
На прашањето од ДНЕВНИК дека полицијата три дена го бара и дали евентуално веќе бил на распит во МВР, Асани само кусо ни одговори:
– Јас сум тука.
Чаирскиот градоначалник Меџити, кој заедно со Асани и пратеничката Мехмети во саботата преку протест се обидоа да го спречат поставувањето на камен-темелникот на крстот во Бутел, одби да ни одговори зошто не спречил Асани да го истепа Петров, бидејќи според кажувањата на Петров, во ресторанот бил присутен и Меџити, но ништо не сторил.
– Доста прашуваш, врне – рече Меџити.
Чаирската тројка вчера со едно возило пристигна и во седиштето во Мала Речица.
-Иако екипата на „Дневник“ ги чекаше функционерите на ДУИ пред влезот во централата во Речица, ниту еден од 30-те члена на Централното претседателство на ДУИ вчера не сакаше да коментира дали тема на состанокот ќе биде и инцидентот од викендов, особено што официјалниот став на партијата е дека ќе ги преземат сите законски можности да не дојде до изградба на 50-метарскиот крст во Бутел. Пратеникот на ДУИ и шеф на кабинетот на лидерот на ДУИ, Али Ахмети веќе најави дека е можно да почнат референдумско изјаснување на граѓаните на Бутел за крстот, пишува ДНЕВНИК.
МВР сe уште го бара Асани
Од МВР вчера повторија дека веќе е разговарано со неколку лица во врска со инцидентот како и со вработените во ресторанот. Полицијата воедно потврди дека се трага по лицето што Петров го посочил како еден од тепачите.
– МВР работи на целосно расветлување на случајот и евентуално остварување разговор со други лица кои биле инволвирани во настанот – велат од полиција.
-->
-->
-->
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд