Државни награди за ученици по виолина, флејта и хармоника од Кочани

Ученици од Основното музичко училиште „Ристо Јуруков“ во Кочани што изучуваат виолина, флејта и хармоника освоија прва, втора и трета награда на Државниот натпревар по музика, што се одржа во Скопје.

Директорката на музичкото училиште Елизабета Горгиева, истакнува дека наградите се плод на едногодишната работа на учениците и наставниците и тие се повеке од очекувани.

Под менторство на наставничката по виолина, Драгана Трифуновиќ, а во пијано-придружба на проф. Марија Лазарова, прва награда освоија Тамара Охомуш и Иван Милосов, а со трета награда се вратија Марија Магдалена Божинова, Горица Јанева, Уна Гранков и Бојана Николова.

Мартина Пулковска, Јована Андова, Елена Чучуковска, Милена Златкова и Бисера Маркова освоија втора награда на Државниот, а Јована Благонова беше втора на Регионалниот натпревар по флејта. Нивната професорка Јованка Милојевиќ им се заблагодари за трудот и посветеноста на учениците и на пијано-соработничката, проф. Ивана Карова.

Во класата на проф. Слободан Трајанов, прва награда по хармоника освои ученикот Филип Стоименов, а трета добија: Кристијан Ставрев, 
Бојан Костовски  и Љупче Митев.