Два пожара во Прилеп, повредено едно лице
Во Прилеп и во селото Дебреште, Долненско денеска избувнаа пожари, а во еден од нив едно лице е повредено. Пожарите се локализирани, велат од прилепската поротивпожарна единица. Во Прилеп изгоре покривната конструкција на куќа, а во селото Дебреште пожарот бил во кујна на угостителски објект каде според првичните информации бил повреден готвачот кој бил сам во кујната. Со приватно возило бил пренесен во Македонски Брод.
Според Виктор Стојчески, командир на прилепската противпожарна единица, пожарот во кујната на угостителски објект бил пријавен во 13:20 часот. Од се уште непознати причини се разгорел во кујната.
Според првичните информации брзата интервенција спречила пожарот да се прошири и за среќа не биле зафатени плинските боци во кујната, а лицето се повредило со вдишување на чадот. Причинета е материјална штета.
Во пожарот во Прилеп на улицата „Ѓоре Ѓорески“ број 18 во близина на прилепскиот Дом за стари лица изгорела покривната конструкција на семејна куќа.
– Интервениравме со три екипи со вкупно пет возила и имавме помош од јавните претпријатија „Водовод“ и „Комуналец“, бидејќи постоеше опасност пожарот да ги зафати соседните објекти. Нема повредени, но причинета е голема материјална штета, објаснува Стојчески.
Ново на Сител
-
Дел од српската опозиција за „Данас“: Владата ја направи безбедноста фарса
-
Венко Филипче избран за нов претседател на СДСМ, реакции од другите двајца кандидати | ВИДЕО
-
Активни пожари во струмичко и прилепско
-
Од денеска струјата по нова, минимално зголемена цена
-
Српски полицајци во заеднички патроли со црногорски колеги на приморјето
-
Осумнаесет израелски војници ранети во напад на дрон извршен од Хезболах
-
Екстремната десница извоjува историска победа во првиот круг од парламентарните избори во Франција
-
Многу топло со температура до 39 степени, од утре дожд