Двајца македонски шахисти учествуваат на Европското школско првенство во Драч

Во албанскиот град Драч во тек е Европското школско првенство во шах на кое настапуваат двајца македонски претставници, Илијана Велева и Валтон Џеладини.

Во категоријата девојчиња до 11 години, Велева по воведните пет кола е на 17 место со 2 поени, додека Џеладини во категоријата до 17 години е на 12 место со 2.5 поени.

Велева освои цел поен во дуелите против Софија Олариу – Чилут од Романија и Фиона Хоџа од Албанија, додека претрпе порази од Грузијката Анета Кеделидѕе, Романката Теодора Анисиа и Софија Миловиќ од Црна Гора.

Во шестото коло Василева со бели фигури за противничка ќе ја има Естер Галмиди од Израел.

Џеладини забележа победи против Херги Лара од Албанија и Алаудин Штавица од Косово, ремизираше против Ахмет Јусуфи од Косово, а претрпе порази во дуелите со Агил Исраилов од Азербејџан и неговиот сонародник Хусеин Сејид.

Џеладини во шестото коло со бели фигури ќе против Австриецот Адријан Бакаларз.