Двајца скопјани добија кривична пријава за тешка кражба
Секторот за внатрешни работи Скопје до скопското Јавно обвинителство поднесе кривична пријава против скопјаните И.Р. (28) и З.Ф. (31), поради постоење основи на сомнение дека извршиле кривично дело - „тешка кражба“, предвидено и казниво по Кривичниот законик на Република Македонија.
Како што соопшти полицијата, З.Ф. бил на издржување казна затвор во Казнено поправниот дом Идризово, а делото го извршил кога имал право на дневен излез од затвор. На 13-ти минатиот месец, околу 8:40 часот И.Р. и З.Ф. се движеле пеш по улица „Московска“ и забележале како пред Тобако се паркирало патничко возило-џип “Ланд Ровер“ и оти сопственикот влегол да пазари во Тобакото, а џипот го оставил да работи. Тие ја искористиле приликата, влегле во возилото, го одзеле и побегнале во непознат правец. Сопственикот ги забележал како влегуваат во возилото и се обидел да ги спречи, се фатил за рачката од совозачката врата за да ја отвори, но пријавените успеале да побегнат.
Веднаш по добивање на пријавата, како што стои во соопштението, била почната потрага и возилото со пријавените било забележано и следено од Скопје до село Ласкарци. По пристигнување во селото Ласкарци, И.Р. и З.Ф. ја намалиле брзината, скокнале од возилото и избегале. Возилото му било вратено на сопственикот, а со направените ДНК и други вештачења било утврдено дека И.Р. бил учесник во настанот. Тој во целост го признал и појаснил извршувањето на кривичното дело.
Од Казнено поправната установа Идризово, во Полициската станица Карпош бил донесен З.Ф., кој бил препознаен од оштетениот, информираат од полицијата.
Ново на Сител
-
Со марш во Скопје одбележан светскиот Ден на лицата со мултипла склероза
-
Земјите од Западен Балкан потрошиле 3,5 милијарди долари за антикризните мерки
-
Без субвенции од општината јавните претпријатија не можат да функционираат
-
Преглед на вестите од светот
-
ВМРО-ДПМНЕ: 13-ти ден не работат операционите сали на Хиругија, СДС и ДУИ го оставаат здравството во хаос
-
Економски форум „По бурата: Управување со прехранбената и енергетската стабилност во Западниот Балкан“
-
Трета меѓународна конференција за унапредување на безбедноста во сообраќајот
-
Интензивни подготовки за матурски испит на средношколците во Штип