Две лица загинаа во сообраќајка на магистралата Гостивар - Кичево

Вчера вечерта во 21:20 часот на СВР Тетово било пријавено дека на магистралниот пат Гостивар-Кичево се случила тешка сообраќајна несреќа во која животот го загубиле две лица. Според СВР Тетово, се судриле патничко возило со гостиварски ознаки и камион со странски таблички.

Според полицискиот извештај, една од жртвите починала на местото на настанот, а другата во болницата во Гостивар.

„Синоќа во 21:20 часот на СВР Тетово пријавено е дека на магистралниот пат Гостивар-Кичево се случила сообраќајна незгода меѓу патничко возило марка „БМВ“ управувано од Б.Х. (54) од Гостивар и тешко товарно возило „сканија“ со косовски регистарски ознаки, управувано од А.Т.(60) од Косово. Во незгодата со тешки телесни повреди се здобил возачот на возилото Б.Х. кој починал на лице место и сопатничката Т.Р. (53) од Гостивар, која по несреќата била пренесена во Ургентниот центар во Гостивар каде им подлегнала на повредите и починала. Возачот на камионот се здобил со телесни повреди. Увид на местото на настанот извршила екипа на ОВР Гостивар заедно со Јавен обвинител“, се наведува во соопштението.