Две собраниски седници - за реконструкција на Владата и за пратенички прашања

Собранието за денеска има закажано две седници. Во 10 часот треба да ја продолжи 104. седница на чиј дневен ред е реконструкцијата на Владата, а во 11 часот е закажана нова седница за пратенички прашања. 

Доцна синоќа беше прекината 104. седница на која се расправа за разрешувањето на министрите, а на оваа седница е и назначувањето на новите министри Кренар Лога за правда, Фатмир Меџити за здравство, Азир Алиу за информатичко општество и администрација и Каја Шукова за министер за животна средина.

На оваа седница треба да бидат разрешени и замениците-министри за одбрана, за земјоделство и за образование и наука, Башким Хасани, Абдулшуќур Абедини и Лулзим Алиу и да бидат избрани нивни заменици.

Седницата за пратенички прашања се одржува секој последен четврток од месецот.