Двојно убиство во Куманово: Кумановец пукал во неговата сестра и нејзините синови

Кумановец смртно ги застрелал неговата сестра и еден од нејзините синови, додека пак другиот син на неговата сестра се бори за живот во кумановската болница.

- На 21.02.2024 година во 12.25 часот полициски службеници од СВР го лишиле од слобода Д.Ѓ. (66) затоа што во село Габреш, кумановско поради нерасчистени имотно правни односи пукал од огнено оружје кон неговата сестра Д.Р.(63), и нејзините синови Ж.Р.(36) и Т.Р.(38), соопшти МВР.

Како што информираат од МВР, итна медицинска помош констатирала смрт кај Д.Р. и Т.Р., додека Ж.Р. со повреди е пренесен во Општа болница Куманово.

Увидот е во тек.