Џафери во Брисел на средби со Хан, Могерини, Тајани и европратеници
Кабинетот на претседателот на македонскиот Парламент соопшти дека „на покана на високи претставници на ЕУ и на Европскиот парламент, претседателот на Собранието Талат Џафери денеска е во Брисел во прва официјална посета на седиштето на Европската унија“.
Според агендата објавена од кабинетот, Џафери ќе се сретне со комесарот за добрососедска политика и проширување Јоханес Хан, со високата претставничка за надворешни работи и безбедносна политика на Европската Унија Федерика Могерини, со претседателот на ЕП Антонио Тајани, како и со европратениците Иво Вајгл, Едуард Кукан и Кнут Флекенштајн.
Како што се наведува во соопштението, на средбите Џафери уште еднаш ќе ја реафирмира определбата на Македонија за полноправно членство во Европската Унија, како и улогата на Парламентот во тие процеси.
- Исто така Џафери ќе ги запознае своите соговорници со состојбите кај нас, со посебен акцент на продолжување на процесот на формирањето на новата влада како израз на парламентарното мнозинство, кое произлегува од волјата на граѓаните на Република Македонија изразена на парламентарните избори во декември минатата година, се наведува во соопштението од кабинетот на претседателот на Собранието на Република Македонија.
Ново на Сител
-
Какви последици може да имаат злоупотребите во Академијата за судии и јавни обвинители?
-
Тема на денот со д-р Злате Мехмедовиќ
-
Преглед на вестите од светот
-
Дали врховен судија посредувал за прием и полагање на кандидати за судии и обвинители?
-
Поништени пресметките на претходниот балансер, зголемен процентот на Македонци, намален на Албанци
-
Мицкоски и Меџити во одбрана на владиниот легитимитет за првите 30 дена
-
ДУИ не чувствуваат одговорност за измените на Кривичниот законик, ВРЕДИ ги повикаа да признаат дека згрешиле
-
Српски полицајци ќе патролираат во Охрид