Џонсон поддржа Брегзит

Градоначалникот на Лондон, Борис Џонсон изјави денеска дека ќе поддржи гласање за излегување на Велика Британија од Европската унија, што се оценува како удар врз премиерот Дејвид Камерон пред референдумот за членство што треба да се одржи во јуни.

– Ќе се залагам за гласање за излегување, изјави Џонсон, кој е член на Конзервативната партија на Камерон и кој е виден како негов потенцијален наследник на премиерката функција.

Камерон во интервју за Би-Би-Си апелираше до Џонсон да поддржи останување на Британија во ЕУ.

Кампањата за останување на Британија во ЕУ има 15 отсто предност во однос на противниците на идејата, се вели во резултати од анкета на Мејл он Сандеј. Камерон најави одржување референдум за 23 јуни.