Џордан поддржа спортисти кои клечат при интонирање химна
Кошаркарската легенда Мајкл Џордан изрази поддршка за слободата на говор и мирните протести откако американскиот претседател Доналд Трамп ги критикуваше спортистите кои не стојат за време на интонирање на химната на САД.
Трамп остро ги критикуваше играчите на американски фудбал кои поради пртотести кон начинот на кој се постапува кон црнци и општрествени неправди не сакаат да стојат за време на интонирање химна.
Спорот на Трамп и спортистите ескалираше во петокот кога кошаркарот на Голден стејт, Стивен Кари рече дека не сака да оди на традиционалната прослава во Белата куќа, по што Трамп рече дека тој кошаркар веќе не е повикан.
Трамп ги засили критиките кон играчите од американската фудбалска лига и бараше од сопствениците на клубовите да отпуштат оиграчи кои не почитуваат американска химна.
Џордан, сопственик на Шарлот хорнетс, рече за локални медиуми дека не треба „да се домонизираат оние кои го користат правото мирно да се изразат“.
– Едно од темелните права во оваа држава е засновано на слободата на говор и имаме долга традиција на ненасилни и мирни протести, изјави Џордан.
Нападите на Трамп врз спортисти ги засилија протестите меѓу американските фудбалери. Имено, вчера повеќе од 100 играчи седеја или клечеа што е облик на протест што почна лани од квотербекот на Сан Франциско, Колин Кеперник. Еден тим во НФЛ го одседи интонирањето химна во соблекувалната, јавуваат американски медиуми.
Ново на Сител
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници
-
Преглед на вестите од светот
-
Јаневска: Можно е враќање на старата концепција за основно образование
-
Приватните превозници ќе ги паркираат автобусите
-
Судскиот совет смета дека распуштањето не е добар чекор
-
Мизрахи: Укинувањето на економските директори го укина дуализмот во здравството
-
Чибишев: 18 луѓе незаконски работеле работеле на Токсикологија