„Еден - два“ победа за Ферари

Возачите на Ферари ги освоија првите две места на денешната трка за Големата награда на Монако што се возеше во Монте Карло. Ова е прва 1-2 победа за Ферари по пауза од седум години, а прва победа во Монако по 2001 година. Трката на првата позиција ја заврши Себастијан Фетел, кој во „пит-стопот“ го мина клупскиот колега Кими Раиконе, кој ја имаше пол позицијата и водеше до 40 круг. 

На третата позиција се пласира Даниел Рикардо од Ред Бул, а на четвртото место го освои Валтери Ботас од Мерцедес.

Со денешната победа Фетел има вкупно 129 поени, пред Луис Хамилтон кој има 104, а Ботас е трет со 75. Кај конструкторите прв е Ферари со 196 поени, пред Мерцедес со 179. Следната трка се вози на 11.јуни за Голмената награда на Канада во Монтреал.