Еден месец во Дебар нема нов случај на заразен со Ковид-19
На подрачјето на општините Дебар и Центар Жупа, кои со својата активност ги покрива дебарската работна единица на Центарот за јавно здравје речиси еден месец нема нов случај на заразен со Ковид-19.
Последните два случаи на новозаразени се регистрирани на 19 октомври, месец во кој беа потврдени само четири нови случаи, наспроти септември кога беа потврдени 112 и август 357 новозаразени.
– Подолг период, односно 26 дена немаме нов случај на заразен со Ковид-19. Во исто време немаме ниту активни случаи. Оние три случаи кои се во официјалната статистика се веќе оздравени, но нивните матични лекари сè уште немаат доставено соодветно известие за да може да се избришат од списокот, велат од работната единица.
Додаваат дека епидемиолошката состојба може да се оцени како стабилна, но и понатаму, препорачуваат да се почитуваат мерките за заштита од ширење на опасниот вирус.
Од почетокот на пандемијата, на ова подрачје, кое беше прво жариште, потврдени се 1.453 заразени лица, од нив за жал битката со невидливиот непријател ја изгубија осумдесетина лица.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево