Една жртва во земјотресот во Мексико

Најмалку едно лице загина во силниот земјотрес што го погоди централниот пацифички брег на Мексико, јави ДПА.

Јачината на земјотресот била 7,6 степени според Рихтеровата скала, соопшти Геолошкиот институт на САД, додека Мексиканскиот сеизмолошки институт измери јачина од 7,4.

Центарот на земјотресот бил југоисточно од градот Аквила во Мичоакан на мексиканскиот брег на Тихиот Океан.

Мексиканскиот претседател Андрес Мануел Лопез Обрадор соопшти дека едно лице загинало во пристанишниот град Манзанило во државата Колима.

Нема првични извештаи за штети, соопштија мексиканската цивилна одбрана, градоначалничката на Мексико Сити Клаудија Шејнбаум и Лопез Обрадор. Сепак, официјалните лица сè уште ја проценуваат ситуацијата во различни региони.

Телевизискиот канал Телевиса јави дека има материјална штета додавајќи дека некои згради се во опасност.