ЕК го осуди нападот врз Имран Кан

Европската Комисија го осуди нападот врз поранешниот пакистански премиер, Имран Кан, што се случи вчера.

Портпаролката за надворешна политика, Набила Масрали, го пренесе ставот на Европската Комисија и дипломатската служба по овој напад.

-Силно го осудуваме нападот врз поранешниот премиер Имран Кан и неговите поддржувачи, рече таа, и воедно го поздрави повикот на пакистанската влада да се истражи случајот целосно и независно.

Таа додаде дека ЕУ отфрла секаков вид на насилство и изрази сочувство за блиските на убиеното лице во овој напад.

Кан вчера беше застрелан во ногата за време на протестен марш, повредени се уште десет негови поддржувачи, а еден го изгуби животот. Кан се наоѓа во болница и е надвор од животна опасност.